Gurutze Gorriaren Gazteria atalak jostailuak biltzeko kanpaina martxan jarri du, “Eskubideak jokoan” lemapean Elgoibarko Gurutze Gorriak ere bat egin du kanpaina honekin, eta hiru egun jarri ditu jostailuak biltzeko: abenduak 16, 17 eta 23. Astelehenean 10:00etatik 12:00etara, eta asteartean, 16:00etatik 18:00etara eraman behar dira jostailuak Usetxe 1ean duten egoitzara.
Aurtengo edizioan 5 edo 10 euroko jostailu-txekeekin ere lagundu daiteke. Pitxintxun daude salgai.
Aurreko edizioan, Gipuzkoako Gurutze Gorriko boluntarioei eta laguntza eman zuten erakundeei esker, Gipuzkoako 1.400 adingabek 4.000 opari jaso zituzten. Elgoibarko Gurutze Gorriak iaz batu zituen jostailuei esker Elgoibarko eta Soraluzeko 85 familiatako 174 umek jaso zituzten jostailuak.
∞Lotura duten albsteak:
- Elgoibarko Gurutze Gorriak 85 familiatan banatu ditu jostailuak (2019-01-11)
- Gurutze Gorriak 77 familien artean banatu du jostailu kanpainan batutako materiala (2018-01-16)
- 123 ume elgoibartarrek jaso dituzte jostailuak Gurutze Gorriak antolatutako kanpainari esker (2017-01-09)
- Elgoibarko 130 umek jaso dituzte jostailuak Gurutze Gorriak antolatutako kanpainari esker (2016-01-08)