‘Zaindu zure azala. Egon adi!’ kanpainaren baitan, herriz herri dabiltza aholkuak ematen minbiziaren aurkako elkarteko langile aditu zein boluntarioak. Gaur goizean Kalebarren plazan egin du geldialdia kanpainarako egokitutako kamioiak. Bertan, bizi-ohiturei buruzko galdeketa bat egiten dute aurrena. Test horretan jasotako galderen bitartez pertsona bakoitzaren fototipoa aztertzen dute gero. Horren ostean, gaitzari aurre hartzeko informazioa eta aholkuak ematen dituzte. Azkenik, melanina kopurua –gorputzak berez duena– neurtzen dute.
Larruazaleko lesioak erraz detekta daitezkeela ohartarazi dute kanpainaren sustatzaileek eta autoexplorazioak egitera animatu dituzte herritarrak.
- Informazio osoagoa: aecc.es
