Arazoaren larriaz ohartarazteko askotariko ekintza antolatu dituzte Elgoibarren, hainbat taldek eta erakundek elkarlanean. Gaur, Emakumeen Kontrako Indarkeriaren Aurkako Nazioarteko Eguna izanda, Kalegoen plazan batu dira makina bat herritar. Uluka Batukak jarri dio doinua elkarretaratzeari. Ondoren, manifestu bat irakurri dute eta plazan zirkulu batean jarri dituzten kandelak hartzera gonbidatu dituzte plazan bildutakoak. Kandelak eskuan, eta Ulukakoek gidatuta, Errosario kaletik Kalebarren plazara arteko bidea egin dute, eta, han, indarkeria matxistak hildakoak zenbatzeko jarritako markagailuaren azpian, ekintza sinboliko bat egin dute: hildako emakume guztiak oroitzeko, eta kandelak erabilita, zenbakia irudikatuko dute. Ondoren, batukadakoek beste pieza bat jo dute.