Elgoibarko Udalak eta Gurutze Gorriak parte hartzera deitu dituzte herritarrak, eta boluntario lanean jardun nahi dutenei izena emateko eskatu diete. Izena emateko bi bide daude: Elgoibarko Udalaren Herritarren Arreta Zerbitzura (Santa Ana kalea, 2, behea) joatea edota 943 741 050 telefono zenbakira deitzea. Boluntarioak txaleko bereizgarriak jantzita egongo dira merkataritza-guneetako sarreretan eta sartzen diren guztiei bonu bat emango diete dohaintza egiteko, edo bestela, poltsa bat eskainiko diete, irteeran poltsa janariarekin beteta buelta dezaten.
• Jokalari bat, kilo bat
Sanlok ere bat egin du ekimen honekin, eta jokalari bat, kilo bat lemapean bilduko ditu elikagaiak asteburuan Olaizaga kiroldegian. Gaur, hilak 22, 17:00etatik 19:00etara; zapatuan, 10:00etatik 20:00etara eta domekan, 10:00etatik 12:00etara.