Iaz, sentimenduen gainean jardun zen Amaia Saenz Elgoibarren, Nuala Elkarteak antolatutako beste formazio saio batean, eta oraingoan, gurasoek euren buruari jarritako exijentziaz, errudun sentimenduaz eta haien beste kezka ohikoenez jardungo da Bideaneko terapeuta. Ez dago aita edo ama perfekturik izenburua jarri diote hitzaldiari, eta nahi duen orok joan ahal izango du entzutera. Urriaren 23an, eguaztena, izango da Kultur Etxeko hitzaldi gelan, 19:00etan hasita, eta egun horretan lotuko dituzte hurrengo hitzaldietarako gaiak, saiora gerturatzen diren guztien artean adostuta.
