Dendak kalera irten ziren zapatuan. Txankakua merkatari elkartearen urteko bigarren stock feria eguna izan zen, eta herritarrak dendetara erakarri beharrean, oraingoan dendak eurak irten zire herrira. Maalako parkea hartu zuten, ia oso osoan. Denetariko produktu eta eskaintzak ikusi eta erosteko aukera izan zuten herritarrek, prezio eta eskaintza berezietan. Aurtengoan ondorengo dendariek hartu dute parte: Arauri lurrindegia, Casa Astigarraga, Ecenarro mertzeria, Ikus optika, Ferpi modak, G&M jantzidenda, Goiara drogeria, Ipintza margoak, Iria moda, Iriondo kirolak, Kala loradenda, Klitz moda, Moma jantzi-denda, Muruamendiaraz gozotegia, Nalai oinetakoak, Olaia estetika, Sara jantzi-denda eta Uzuri optika.
Astean zehar Txankakuaren dendetan eta egunean bertan azokan erosketak egiteagatik zozketarako txartelak jaso zituzten herritarrek, eta 14:00etan puntuan egin zuten zozketa. 100 euroko sei erosketa txeke zozketatu zituzten elkarteko arduradunek. Urtero bezala, ezinbestekoa zen saritutako bonoa han bertan egotea. 14:30 alderako agertu ziren sei irabazleak.