Datorren domekan (ekainak 21), hautetsontzi erraldoiak eraiki, eta hainbat ekitaldi egingo dituzte Baionan, Gasteizen, Bilbon, Donostian eta Iruñean. Elgoibarko herri batzordeak Donostiako Anoetan egingo den ekitaldira joateko deia egin du. Bertsotan zabaldu dute festara joateko deia (goiko bideoan). Haizea Beristainek idatzitako bertso bat abestu zuten hainbat lagunek Kalegoen plazan. Era berean, Donostiara joateko tikeak salgai jarri dituzte dagoeneko. 

Elgoibarko eta Mendaroko Gure Esku Dago taldeek prest dituzte datorren ekainaren 21ean Donostiara joateko autobusak eta arratsaldean egingo den ekitaldirako txartelak. 

• Informazio osoagoa: Aldarri bat baino gehiago, BARREN aldizkarian argitaratutako erreportajean (BARREN 953. zenbakia)