Horretarako, herriko elkarte, sare, eta proiektuen arteko elkarlan eta sinergiak aprobetxatuko dituzte, beharrak bateratu eta modu egokian koordinatzeko. 2019-2020 epealdian landuko dute proiektua, eta sentsibilizazioa, formakuntza eta ezagutza areagotzeko ekintzak jarriko dituzte martxan. Eguaztenean sinatu zuten ituna ondorengo eragileek: Ane Beitia alkatea, Raquel Agirre Herri Eskolako zuzendaria, Olatz Albarran Ikastolako administrazio burua, Iñaki Odriozola Institutuko zuzendaria, Alberto Iturricastillo Mekako zuzendaria eta Naiara Martin Elgoibarko Izarrako Atxutxiamaikako arduraduna. Egitasmo hau irekia da, eta herriko elkarte, ikastetxe eta enpresa guztiek hartu dezakete parte.