Berriak izan dira batu eta banatu dituzten jostailu guztiak eta Gurutze Gorriak lagundu duten herritarrak, dendak eta enpresak eskertu ditu. “Bereziki, Danobat, Etxetar eta Besa enpresak nabarmendu nahi ditugu jostailuak erosteko eman diguten diruagatik. Beraien laguntzarik gabe ezinezkoa litzateke kanpaina hau aurrera ateratzea", azaldu dute Gurutze Gorriko ordezkariek.
Elgoibarren 45 familiako 98 umek eta Soraluzen 40 familiako 76 umek jaso dituzte jostailuak, 174 umek guztira (iaz 160 izan ziren). Elgoibarren abenduaren 20an, 21an eta urtarrilaren 4an banatu zituzten jostailuak eta abenduaren 28an Soraluzen. Azaldu dutenez, bi herrietako udaletako gizarte zerbitzutatik eskuratu dituzte jostailuak jaso dituzten umeen zerrendak.
∞Lotura duten albsteak:
- Gurutze Gorriak 77 familien artean banatu du jostailu kanpainan batutako materiala (2018-01-16)
- 123 ume elgoibartarrek jaso dituzte jostailuak Gurutze Gorriak antolatutako kanpainari esker (2017-01-09)
- Elgoibarko 130 umek jaso dituzte jostailuak Gurutze Gorriak antolatutako kanpainari esker (2016-01-08)