Espainiako Odontologia fakultate guztietako ikasleen espedienteak hartzen ditu kontuan sari honek, eta 2013-2018 urteetan ikasle elgoibartarra izan da emaitzarik onenak izan dituena. EHUko Odontologia ikasketetako espediente akademiko onena dauka Ane Arakistainek 9,2 notarekin. Madrilgo Complutense Unibertsitatean jaso zuen saria, Proclinic sarien VII. edizioko sari banaketa ekitaldian (beheko argazkian). Horrez gain, Odontologiari buruzko kongresu batean parte hartu berri du Mallorcan, eta han ere, bere lana saritu dute. Ekainean amaitu zituen ikasketak, eta orain lanean dabil, Mendaroko hortz klinikan.
- Irakurri hemen, Ane Arakistainek BARREN aldizkariari eskaini dion elkarrizketa (BARREN 1100. zenb. PDF)
