Kultur Etxeko hitzaldi gelan izango da tailerra, 18:00ean hasita. Emakumeen ahalduntzearen munduan esperientzia handia duen Loredi Salegi elgoibartarra izango da hizlaria. Parte hartzeko ez da izenik eman behar: gazteleraz eskainiko da, eta doakoa izango da. Elgoibarko Udalaren Berdintasun Sailak antolatutako tailerra da.
Ahizpatasuna (gaztelaniaz, sororidad; latinezko soror hitzetik, euskaraz "ahizpa") 1970eko hamarkadatik feminismoaren baitan emakumeen aldeko elkartasun-teoriak eta praktikak izendatzeko erabili izan den terminoa da. Zehatzago, emakumeen arteko hitzarmena litzateke, helburutzat emakumeen jabekuntza duena, patriarkatuari aurre egiteko. Kate Millett estatubatuar feministak sortu zuen, emakumeen arteko ezberdintasun ekonomiko, arrazazko eta politikoak gainditu eta emakume guztiak gizarte-klasetzat hartzeko asmoarekin.
