Eguraldiaren iragarpena bete-betean asmatu dute. Goizaldean hasi du elurra eta goizeko lehen orduetan mara-mara egin du, beheraino. 10:00ak inguruan, baina, atertu egin du, eta eguerdirako urtzen hasia zen bazter guztiak zuriz jantzi dituen elur geruza. Izan ere, eguzkia atera da eta tenperaturak nabarmen epeldu dira, iragarpenak abisatu bezala. Elurra ez da geratzeko etorri oraingoan.
Errepidean hainbat arazo eragin ditu elurrak eta Mendaro eta Elgoibar artean auto bat bat baino gehiago gelditu da ez atzera ez aurrera kateatuta. Oinezkoek ere zail izan dute gaur herriko kaleetan ibiltzea, elurra beheraino egin baitu. Kaleak garbitzen eta gatza botatzen jardun duten udal langileentzak lan handiko goiza izan da.
Elurrak Elgoibar eta Mendaro nola zuritu dituen ikusteko hona argazki bilduma, arazoak arazo, elurra bistarako gozagarri baita askorentzat. Bistarekin bakarrik ez, beste batzuek snow taula gainean gozatu dute elurraz Mendaroko kaleetan, goiko bideoan ikus daitekeen moduan.
