Urtero bezala, aurten ere ospatu dute San Bizente eguna Azkue-San Roke auzoan. Prozesioan atera dute sainduaren irudia eta meza ospatu dute gero, 11:00etan. Ondoren, beti bezala, auzotarrek elkartea zabaldu eta salda eta txorizoa banatu dituzte gerturatu direnen artean.
San Bizente Huescan jaio zen eta Valentzian hil 304. urtean. Eliza katolikoaren arabera, Lorentzorekin eta Estebanekin batera, Bizente da kristogatik bizia eman zuten hiru martiri nagusietako bat. Eskuan palma adarra duela irudikatzen da San Bizente. Informazio osoagoa hemen eta hemen.
