Gurutze Gorriak 77 familien artean banatu du jostailu kanpainan batutako materiala

Barren.eus 2018ko urt. 16a, 11:32

Elgoibarko Gurutze Gorriak jostailu bilketa kanpaina egin zuen, beste behin ere, joan den Eguberrietan. Kanpainari esker, laguntza beharrean dauden Elgoibarko eta Soraluzeko 160 umek jaso dituzte jostailuak.

Guztira, 77 familietako 160 umeri banatu dizkiete Gurutze Gorriak batutako jostailuak. Batu eta banatu dituzten jostailu guztiak berriak ziren. Gurutze Gorriko arduradunek kanpaina hau aurrera eramaten lagundu dieten herritarrei eta dendei eskerrak eman dizkiete, eta baita herriko enpresei ere, “bereziki Danobat, Etxetar, Besa eta Ojmar enpresak nabarmendu nahi ditugu jostailuak erosteko eman diguten diruagatik. Oso pozik gaude herritarrek eta enpresek eskaini diguten arretarekin eta erakutsi duten eskuzabaltasunarekin, eta, batez ere, jostailuak jaso dituzten haurren irrifarreak eman digu bizipoza”.

jostailu kanpaina gurutze gorria elgoibar 1