Aldi baterako jarri zuen Udalak, Mugikortasun Iraunkorraren Asteak iraun zuen bitartean, hain justu ere, azaroaren 20tik 25era. Izan ere, joan den zapatuan amaitu ziren Mugikortasun Astearen barruan antolatutako ekintzak, lekuederren egin zuten bigarren eskuko merkatuarekin. Herriko eskola-umeek etxean egoera onean zituzten jostailuak, liburuak eta beste zenbait gauza jarri zituzten salgai. Parrokiako Misio taldeak, bestalde, bidezko merkataritzako produktuak saldu zituen.
Herriko erakusleihoak eta hormak ere apaindu dituzte joan den astean horma-argazki handiekin eta herriko hainbat artista eta artisauren lanekin. Mugikortasun Astean bestelako hainbat ekimen ere egin zituzten, adinekoen taldekoekin eta eskola-umeekin, besteak beste.
∞ Lotura duten albisteak:
-
Autoei lagatzen zaien gune publikoaz gogoeta egiteko gunea sortu dute Kalebarren plazan (2017-11-20)
-
Mugikortasun iraunkorraren astea izango da datorren astea Elgoibarren (2017-11-18)
