Gizartea

barren.eus-logoa

Tokikom

 

Txankaua_2017-11-03_2017-11-17
 
 

 janari bilketa bm elgoibar 1Gipuzkoako Elikagaien Bankuak egingo duen Elikagai Bilketa Erraldoiarekin bat egingo dute Elgoibarko Gizarteratze Mahaiak eta Udalak aurten ere. Abenduaren 1ean eta 2an -barixakua eta zapatua- egingo duten bilketarako boluntarioak behar dituzte.

Espainiako Elikagaien Bankuen Federazioak, FESBALek, aldatu egin du urtero egiten duten janari bilketa erraldoiaren data. Aurtengoa, egiten duten bosgarrena, abenduaren 1ean eta 2an izango dela jakinarazi dute -Elgoibarren joan den maiatzean egin zuten azken bilketa-.
Honenbestez, Elgoibarko Udalak eta Elgoibarko Gizarteratze Mahaia osatzen duten elkarte eta erakundeek, herritarrak animatu nahi dituzte, abenduaren 1 eta 2an Gipuzkoako Elikagaien Bankuak egingo duen Elikagai Bilketa Erraldoian parte hartzera. Era berean, janari bilketan boluntario aritzeko lagunak behar dituztela jakinarazi dute; eta zehaztu dute lehen baitlehen izena ematea komeni dela, txandak egiteko ordutegiak eta saltokiak boluntario kopuruaren arabera antolatuko dituztela-eta.
Janari bilketa egingo duten bi egunetan 9:00etatik 21:30etara arteko ordutegi etengabea betetzeko lagunak behar dituzte. Boluntarioak txandetan banatuta arituko dira. Boluntario lanak egiten lagundu nahi dutenek Elgoibarko Udalaren Gizarte Ongizate Sailari jakinarazi behar diote. Horretarako, Ongizate Sailera bertaratu edo 943.74.10.08 telefono zenbakira deitu beharko dute; erakunde hori baita Elgoibarko hitzordua koordinatu eta kudeatuko duena.
Txaleko bereizgarriak jantzita, merkataritza-gunean sartzen direnei bonu bat ematea izango da boluntarioen eginbeharra, edo bestela, poltsa bat eskaini eta poltsa janariarekin bueltatzera gonbidatuko dituzte bezeroak. Ondoren, poltsak jaso eta dohaintzan emandakoa propio prestatutako enbalajeetan jarriko dute. Elgoibarren, 2014 urtetik hona, adingabeekin batera parte har daiteke elikagaien bilketan, betiere, pertsona horiek "balioetan hezteko" helburuarekin.

• Elgoibarren batutako janari kopuruak:
Elgoibarren jasotzen diren elikagaiak Gipuzkoako Elikagai Bankuak Bergaran duen egoitzara eramango dira. Bertatik, gure zonaldean behar duten familien artean banatuko da bildutakoa.
Elikagai Bankura jotzen duten familien kopuruak goranzko joera du. Urtetik urtera pertsona gehiagorengana iristeko beharra dagoela ohartarazi du Elgoibarko Gizarteratze Mahaiak.

  • 2013an 6.565 Kg elikagai bildu ziren.
  • 2014an 9.980 Kg elikagai bildu ziren.
  • 2015ean 16.550 Kg elikagai bildu ziren.
  • 2016an 12.524 Kg elikagai bildu ziren eta 2.583€ bonotan.
  • 2017an 3.50 kilo elikagai bildu zituzten

∞Lotura duten albisteak:

Gida komertziala

Gida komertziala 2017

 

GUREAN.EUS

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza