Gizartea

barren.eus-logoa

Tokikom

 

Txankaua_2017-11-03_2017-11-17
 
 

Gure Balioak 2016 Soraluze“Euskararen alde egindako ibilbide luze eta emankorragatik” jasoko du Gure Balioak Saria Felix Etxeberria Parapan euskaltzale eta ekintzaile elgoibartarrak. Eguenean, hilak 9, izango da ekitaldia, herritar orori irekia. Gainera, Maite Maiora mendi korrikalari mendaroarrak hitzaldia eskainiko du kirola eta balioak hizpide hartuta.

Mendaroko Udalak eta Debegesa garapen agentziak antolatu dute 2017ko Gure Balioak Saria banatzeko ekitaldia, DanobatGroup enpresaren laguntzarekin. Eguenean izango da, 18:30ean, Mendaroko San Agustin Kulturgunean (Garagartza auzoan). Aurtengoan, aurrez aurreratu zuten moduan, Felix Etxeberria Larrañaga Parapanek (Elgoibar, 1926) jasoko du errekonozimendua “euskararen alde egindako ibilbide luze eta emankorragatik”.

“Euskaltzale amorratua, ekintzaile saiatua eta langile nekaezina”. Elgoibarko alfabetatze eta euskalduntzearen, Ikastolaren eta Elgoibarko Izarra Kultur Elkartearen sorreran eta garapenean “arima eta motorra” izan da Felix Etxeberria; gainera, Danobat kooperatibaren sorreran ezinbesteko rola izan zuen eta, bertan lanean ari zela, Etxepe lantegia eratu zuen.
• Maite Maioraren hitzaldia eta arriolatarren musika
Sari banaketa ekitaldia irekia izango da, herritar ororentzat. Felix Etxeberriak iaz errekonozimendu hauxe bera jaso zuen Nerea del Camporen eskutik jasoko du saria, Juan Luis Baroja Collet Debabarreneko artistaren eskultura bat. Aurretik, ekitaldiari hasiera emateko, Maite Maiora mendi korrikalari mendaroarrak hitzaldia eskainiko du kirola eta balioak hizpide hartuta. Musikak ere bere tartea izango du ekitaldian, Juan, Nerea eta Maddi Arriola biolin-jotzaileen eskutik.

Felix Etxeberria izango da Gure Balioak Saria jasoko duen zortzigarren pertsona, 2010. urtean Debegesa garapen agentziaren ekimenez eratu zenetik. Sari honek Debabarrenean gizarte balioen sustapenean nabarmendu den pertsona publikoki aitortzea du helburu.

Aurtengo epaimahaiak erabaki du saria Felix Etxeberriari ematea, “bere ekimen eta izaera ekintzaileagatik, bai eta bizitza eta ibilbide profesionalean xede hartu dituen helburuak lortze aldera hainbeste lagunen lankidetza eta talentua erakartzeko, motibatzeko eta inplikatzeko gaitasuna erakusteagatik ere, beti euskara eta euskal kultura ardatz izanik”.

Epaimahaiak Felix Etxeberriaren figura azpimarratu du “euskalgintzaren eta herrigintzaren erreferente gisa”, ez soilik Elgoibarren edota Debabarrenean, baita eskualdetik kanpo ere, “etengabeko konpromisoa eta ahalegina eta erabateko dedikazioa erakutsiz, beti ere musutruk eta eskuzabaltasunez jokatuz”.

Azkenik, epaimahaiak aintzat hartu du “zintzotasunez, gogo handiz, ausardiaz, modu sortzailean eta ekimen berriei ekiteko ilusioz arlo ezberdinetan egindako lan emankorra, gizarte kontzientzia nabarmena erakutsiz kooperatibismoaren aintzindaritzan, lan munduan euskararen erabilera bultzatuz edota memoria historikoaren berreskuratzean”.

Felix Etxeberria Parapan gure balioak saria DebegesaAurreko edizioetan saridunak hauexek izan dira:

  • 2016: Nerea del Campo Agirre
  • 2015: Antonio Cancelo Alonso
  • 2014: Sabin Osoro Unzueta
  • 2013: Carmelo Urdangarin Altuna
  • 2012: Jesus Bilbao Azpiri
  • 2011: Gemma Aguirregomezkorta Laka
  • 2010: Mª Tere Ganchegui Juaristi

Gida komertziala

Gida komertziala 2017

 

GUREAN.EUS

Elgoibarko Izarra

elgoibarkoizarra-logoa-irudia

Bideoak

Barren astekaria

ePosta harpidetza