Mendaro, Elgoibar eta Eibarren eginiko marmitako lehiaketako irabazleak -bikoteka jokatzen da txapelketa- Mendaroko Goñati pilotalekuan batu ziren joan den urriaren 11n. Frontoian bertan prestatu behar zuten marmitakoa eta epaimahaiaren iritziz Gracia Gomez eta Marutxi Gonzalez mendaroarrek eginikoa izan zen goxoena. Orain, Donostiako Altza auzoko zahar etxean jokatuko den Gipuzkoako finalean erakutsi beharko dituzte sukaldaritzarako dituzten dohainak. Martitzen honetan, hilaren 17an, jokatuko da finala.
