Auto bat trenbidera jausi da Mendaron, herri sarreran, eta gidaria, adineko gizona, ospitalera eraman dute zaurituta. 11:30ak aldera gertatu da ezbeharra.
Laster zen Debarako trena pasatzekoa, baina zorionez tren zerbitzua eteteko denbora egon da. Autoa trenbidean dago, gurpilez gora. Lekukoen arabera, ospitalera bidean zihoan, eta zubia igaro eta eskubitara hartu duenean pretila apurtu eta trenbidera erori da. Suhiltzaileak, ertzainak eta larrialdi zerbitzuetakoak bertan ziren.
