Erronka joan den ekainaren 10ean abiatu zen Cadizen eta Bilbon amaituko da datorren ekainaren 25ean. Bi hiriok hamasei etapatan lotuko dituen ekimen honekin bat egin du Elgoibarko Udalak, Gizarte Zerbitzuen sailaren bitartez. Alzheimer gaixoen senideen elkarteak biltzen ditu CEAFA erakundeak eta AUBIXA Fundazioak antolatu dute 'Etorkizun kilometroak' elkartasun lasterketa. Elgoibarko alkate Ane Beitiak honakoa esan du ekimenarren inguruan: "Udalak jakin badaki Elgoibarren gaixotasun larri hau pairatzen duten pertsonak egon badaudela, zuzenean bere familia eta ingurune hurbilekoenari eraginez. Horregatik ekimen honi laguntzea eta korrikalariei Elgoibarretik igarotzean harrera egiteko herritarren parte hartzea sustatzea oso garrantzitsua da”.
• Elgoibartik zapatua eguerdian
Bilbora bidean Elgoibartik igaroko da lasterketa zapatuan (ekainak 24), 12:30ak innguruan.Maalako zubitik sartuko dira; ondoren Maalako biribilgunetik jarraitzeko; eta azkenik, Bernardo Ezenarro, Trenbide Kalea eta Sigmako zubitik igaroko diraa, Eibarrerantz.
• Izen-emateak
Parte hartu nahi duten pertsonek elkarteko web orrian izena eman beharko dute: elfuturoeslamemoria.com Izena emateko prezioa 15 eurokoa da. Diru guztia EFM Programa sortzeko erabiliko dela azaldu dute antolatzaileek, Alzheimer gaixotasunean adituak diren zaintzaileentzako doako heziketako lehenengo modulua.
- Informazio gehiagorako: http://elfuturoeslamemoria.com/
