Indarkeria Matxistaren Kontrako Egunaren bueltan antolatutako ekintzen barruan, emakumeentzako autodefentsa ikastaroa egin zuten joan den zapatuan Olaizaga kiroldegian, eta 32 lagunek hartu zuten parte.
Olaizaga Kirol Taldeak eta Elgoibarko Udal Kirol Patronatuak antolatu zuten emakumeentzako autodefentsa ikastaroa eta arrakasta izan zuen deialdiak. Gisa honetako prestakuntzak ematen aditua eta aritua den Luis Agirregomezkorta elgoibartarrak zuzendu zuen ikastaroa. Besteak beste, arrisku egoerei erantzuteko eta seguruago sentitzeko balio dezaketen hainbat teknika irakatsi zituen.
