Aurreko barixakuan ETB-2ko "De lo bueno lo mejor" saiorako lan egiten duen talde batek orduak eman zituen Belaustegi jatetxean grabatzen eta elkarrizketak egiten. Domekarako (ekainak 5) dena prest izango dute eta Belaustegiko sekretuak erakutsiko dituzte, 20:10etatik aurera.
Belaustegiko Josu Mugertzak poza agertu du Belaustegi baserria saio horretan agertzeko aukeratu dutelako, ez dute-eta edozein leku ateratzen. Izan ere, sona handiko hotelak, jatetxeak eta bestelako parajeak erakusten dituzte Reyes Pradosek gidatutako saioan. Hala, Butroeko gaztelua edota Olitekoa agertu dira. Telebistako saioari, jatetxeko ateak ez ezik, etxebizitzako ateak ere ireki dizkie Mugertzak.