Mendaron, Goikola baserriaren inguruko sail batzuetan egingo dira landaketak. Herriko enparantzatik 2,5 kilometro ingurura dago lur saila, Plaza auzotik gora, erreka ondoan. Horregatik antolatzaileek arropa eta oinetako erosoak eramateko eskatu diete herritarrei, bai eta ura ere. 10:00etan jarri dute plazan elkartzeko ordua, oinez joateko. Tresneria antolatzaileek eurek banatuko dute lekuan bertan.
Ekimen beraren barruan, bezperan, hilaren 3an, Zestoan egingo dute zuhaitz landaketa. Han ere, plazatik abiatuko dira, 10:00etan, eta nahi duen orok parte hartu dezake.