Familia artean hizkuntza transmisioa lantzeko helburuarekin sukaldaritza ikastaroa antolatu du Atxutxiamaikaren Kiribilduz egitasmoak, HH4-LH2 adin tarteko umeentzako eta euren gurasoentzako. 

Euskal postreak egiteko errezetak irakatsiko dituzte otsailaren 20an egingo duten sukaldaritza tailerrean. Hiru orduko saioa izango da, 10:00etatik 13:00etara, Elgoibarko Ludotekan. 

Hona hemen ikastaroan parte hartzeko baldintzak:

•Ikastaroaren helburua hizkuntza transmisioa lantzea izanik, gutxieneko euskara maila eskatuko zaie gurasoei. 

•Ume bakoitzarekin guraso bakarrak hartu ahalko du parte.

•Saioaren prezioa 6 eurokoa da (bazkideentzat 5€) eta ikastaroan bertan ordaindu beharko da. Diru kopuru zehatza ekartzea gomendatzen da.

•Izen ematea

Otsailaren 16a da izena emateko azken eguna. Elgoibarko Izarraren Ubitarteko lokalean eman daiteke izena, edo Internetez bestela, ondorengo loturan. Informazuio gehiagorako dei egin 943 741 626 (Mikel) telefono zenbakira edo idatzi Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. e-postara.