Arno guraso elkarteak, Euskara taldeak, UEMAk eta Mendaroko Udalak antolatu zuten hitzaldia elkarlanean, Euskaraldia ariketa sozialaren harira, eta bereziki erdal komunitateari zabaldutako hitzaldia zela azpimarratu zuten. Horregatik, gaztelaniaz eman zuen Maiak.
Extremadurako familia batek -bereak- hizkuntzaren, nortasunaren eta munduan izan behar duen lekuaren inguruan izan duen prozesuaren berri eman zuen Maiak, bere bizipenetan oinarrituta, eta hunkituta jarraitu zuen publikoak. Bukaeran, galderetarako tartean, hala aitortu zuten hitza hartu zuten entzuleek. Antolatzaileak ere pozik agertu dira hitzaldiak izandako harrerarekin eta nabarmendu dute ezohiko argazkia izan zela atzokoa, "oraindik ere erdal hiztunena eta euskal hiztunena bi mundu bereizi direlako gurean askotan". Horren harira azpimarratu dute atzokoa bezalako saioak ezinbestekoak direla estereotipoak eta aurreiritziak hautsi eta elkarrengana hurbiltzeko pausoak emateko. Saio bukaeran, Errigorako produktuak dastatzeko aukera ere izan zuten hitzaldira batu zirenek. Atzoko saioaren harira honakoa zabaldu du gaur Jon Maiak berak Twitterreko kontuan: “Mendaron ere etorkizuneko Euskal Herri berriaren bila, elkar ezagutuz aurreiritziak, klixeak, estereotipoak, mamuak desegiten ditugu. Eta euskara beti inklusiorako ate. Eskerrik asko, Mendaro!"
∞Lotura duten albisteak:
- 'Desde Extremadura al euskera' hitzaldia emango du Jon Maiak Mendaron, hilaren 10ean (2022-11-04)
- Jon Maia: “El euskera tiene que estar en el centro de todas las políticas de integración” (2022-10-14)