Batetik, Euskaraldia badatorrela jakinarazi nahi dute bertatik bertara, ariketaren inguruko informazioa eman eta izen-emateak bilduta. Eta, bestetik, Euskaraldia modu sakon eta erosoan egiteko prestakuntzak duen garrantzia zabaldu nahi dute, aholkuak eta bestelako pilulak emanez.
Kalebarren plazan jarriko dute furgoneta eguen arratsaldean, 17:30etik aurrera. Euskaraldia ariketa azaroaren 18an hasiko da, eta horren harira, azaroaren 19an hasiera ekitaldia egingo dute Elgoibarren. Kalegoen plazan izango da 13:30ean, eta dantza egongo da aurkezpenaren erdigunean. Elgoibarko Euskaraldia Taldeak, Biraka dantza elkarteak eta Inazio Bereziartua Musika Eskolak dihardute antolakuntza lanetan. Birakakoek sortu eta prestatu dute dantza.
• Informazio mahaia
Euskaraldiari lotuta, bestalde, azaroaren 17ra bitartean informazio mahaia jarriko dute Aita Agirre kulturguneko sarreran, izena eman, Belarriprest edo Ahobizi txapak banatu eta Euskaraldiko materiala erosi ahal izateko. 17:30etik 19:30era egongo dira, astelehenetik eguenera.
∞Lotura duten albisteak:
- Euskaraldiari hasiera emateko herri-dantzan izena emateko deia (2022-10-26)
- Euskaraldiaren Garrantzia Eta Ahalmena (2022-10-21)
- Euskaraldia sustatzeko konpromisoa adierazten duen adierazpena onartu du Elgoibarko Udalak (2022-09-29)
- Hirugarren Euskaraldian belarriprest eta ahobizi gisa izena emateko epea zabalik dago (2022-09-29)
- Elgoibarko industria eta Euskaraldia gosari baten bueltan bildu dira (2022-09-14)