Irune Basagoiti (Mallabia, 2002) bertsolariak emango ditu eskolak eta martitzenetan izango dira, 18:00etatik 19:00etara, Gaztelekukan. Talde mugatua izango da, gehienez 10-12 lagunekoa. Argazkia: artxibokoa da, Elgoibarko bertso eskolakoa.
Gipuzkoako Bertsozale Elkartetik jakinarazi dutenez, ikasleak bertsozaletu nahi dituzte bertsoaren teknika eta komunikazio estrategiak garatuz, eta besteak beste, honakoak landuko dituzte: arrazoiketa eta bestearen lekuan egoten ikastea, ahozko komunikazioa, eta herriko, eskualdeko eta euskal herriko kultur erreferentziak. Izena emateko: berdintasuna@mendaro.eus / 943 033 282.