Fill In Culture taldeko grafitigile profesionalen laguntzarekin sortu dute 'Euskara zabalduaz lau haizeetara' esaldia ardatz duen grafitia. Auzolanean egin dute, txandaka. Hala, graffitigintzako teknikak ezagutu eta praktikan jartzeareko aukera izan dute ikasleek. Fill In Culture taldeko kideek ematen zizkieten argibideak jarraitu dituzte ikasleek. Grafitigileen erremintan erabiltzen ikasi dute eta aukeratu dituzten koloreak eta formak zergatik aukeratu dituzten ere azaldu diete. Hasieran beldur pixka batekin hurbiltzen ziren hormara, baina txandak pasa ahala segurtasun handiagoa nabari zitzaien. Gustura gelditu dira azken emaitzarekin.
Abenduaren 3an Euskararen Egunaren dela-eta, DBH edo Batxilergoko ikasleentzako esaldi lehiaketa jarri zuen abian Elgoibarko Izarrak Udalarekin lankidetzan. Euskara foku duen eta euskal abesti batetik aterata dagoen esaldia aurkeztu behar zuten lehiaketara, taldeka, eta hamazortzi taldek aurkeztu zuten esaldi bat. Txomin Artolaren 'Aberriaren Mugak' abestitik hartutako 'Euskara zabalduaz lau haizeetara' esaldiarekin irabazi zuen lehiaketa Elgoibar Ikastolako DBH2 A taldeak.
• Euskarazko esaldi lehiaketako aurreko edizioetako irabazleak
- Euskararen Eguneko esaldi lehiaketako saririk ez dute emango (2020-11-12)
- 2019an Nerea Urbietak irabazi zuen 'Jardun eta jardun, danona egin daigun!', leloarekin.
- 2018an Intza Urangak aurkeztutako esaldiak irabazi zuen lehiaketa.
- 2017akoan Aiala Sierrak izan zen irabazlea, Ilargiraino eta bueltan erabiliko zaitut esaldiarekin.
- 2016an Asier Garaialdek aurkeztutako esaldiak irabazi zuen lehiaketa, Ez izan beldur, izan hiztun lelorekin.
- 2015ekoa Markel Garate mendaroarrak irabazi zuen, Nik hasi zuk jarraittu leloarekin.
- 2014an, Euskararen eguneko estraineko esaldi lehiaketa Uxue Mancisidorrek aurkeztutako Nire ahotik zure belarrira esaldiak irabazi zuen.