'Haurren aurrean, helduok heldu' ekimenaz duten iritziaren inguruan galde egin diegu herrtarei eta ia parte hartzeko asmorik duten. Atzo aurkeztu zuten ekimena Elgoibarren. Santa Zezilia eguna ere bazenez, Musika Eskolako BetiSua txarangak eta dultzaineroek ere parte hartu zuten aurkezpen ekitaldian, eta baita bertso eskolako ikasleek ere.
Aurkezpeneko aurkezle Jon Telleriak eta Maria Ferreirok esan zutenez, bi dira ariketa honen helburuak: helduak haurren aurrean euskaraz egiteak duen garrantziaz jabetzea da helburu nagusia, eta, bidez batez, umeen bueltan aritzen diren helduen arteko euskararen erabilera ere areagotu nahi da.
Ariketak 15 eguneko iraupena izango du, azaroaren 22tik abenduaren 5era, eta umeak eta helduak batera dauden tokietan egingo da, jolas-parkeetan, besteak beste.
Ariketaren identifikagarriak ere prestatu dituzte antolatzaileek. Lepoan zintzilik jartzekoak (1 €), batetik, eta etxean jartzekoak (2 €), bestetik. Identifikagarriak erosi nahi dutenek Elgoibarko Izarrak Aita Agirre kulturgunean duen bulegora jo behar dute.
ARGAZKI-BILDUMA: Haurren aurrean, helduok heldu ekitaldiaren aurkezpen-ekitaldia
∞Lotura duten albisteak:
- Gaur zabaldu dute 'Haurren aurrean familia-ginkana'n izena emateko epea (2021-11-17)
- Paula Kasares: “Etorkizunean euskararen erabilera normala, bat-batekoa eta berezkoa duten umeak nahi baditugu, umeek hizkuntza portaera normalak ikusi eta ikasi behar dituzte” (2021-11-11)
- 'Haurren aurrean, helduok heldu' ekimena egingo dute azaroaren 22tik abenduaren 5era (2021-10-29)
- Haurren aurrean helduek eredugarritasuna sustatu eta hizkuntza praktiken inguruan hausnartzeko ekimena aurkeztu du Topaguneak (2021-11-10)