Azaroaren 28an Euskarak 365 Egun ekimenari lotutako lipdub-a osatuko dute Elgoibarko 58 elkarte eta erakundek. Beitxu, beitxu! kanta propio sortu dute ekimen horretarako, eta orain, dantza edo koreografia txiki bat ere prestatu du Josu Mujika dantzari eta koreografo elgoibartarrak.
Azaroaren 28an Kalegoen plazan bilduko den jendea dantzan jartzea da helburua, eta horretarako dantza edo koreografia txiki hori ikasteko aukera ere egongo da. Olaizaga Kiroldegian izango dira entseguak, eguenetan, 18:30etik 19:00ak arte. Elgoibartar guztiak animatu nahi dituzte koreografia ikastera.
∞ Lotura duten albisteak:
- 'Beitxu, beitxu!' kantuaren leloaren koreografia aurkeztu dute (2015-10-23)
- ‘Beitxu, beitxu!’ rumba doinuko kantua aurkeztu dute eta euskararen “manifestu baikorra” egin (2015-10-09)
- Dagoeneko 49 elkarte-erakundek esan dute parte hartuko dutela aurtengo ‘Euskarak 365 Egun’ ekimenean (2015-05-28)
-
Lipdub-a eta bazkari herrikoia prestatzen ari dira ‘Euskarak 365’ ekimenaren barruan (2015-05-14)