Euskara batua abian jartzea izan da seguru asko azken urteotan euskaran egin den urratsik emankorrenetako bat. Onarpen zabala lortu du, gainera, gizarteko alor guztietan. Gerora begira, hala ere, erronka bat baino gehiago dago oraindik zerumugan: Zein dira erronka horiek? Nola gainditu daitezke? Mikel Zalbidek (Donostia, 1951) erantzungo die Andres Alberdik (Getaria, 1950) jarritako puntuei. Zalbide euskaltzain osoa da 2006tik. 2018ko Arantzazuko XVII. Biltzarrean, bera izan zen Euskaltzaindiaren sorrerari eta euskara batuaren egitasmoari buruzko txostengile nagusia. Alberdi, berriz, euskaltzain urgazlea da.
Elgoibarko Kultur Etxeko hitzaldi-gelan emango dute hitzaldia, martxoaen 27an, 19:00etan hasita. Euskara batuaren gaineko elkarrizketa hau Hasier Etxeberria zenaren oroimenez antolatzen den Biba Hasier! ekimenaren baitan antolatu dute Elgoibarko Izarra Euskaltzaleon Topaguneak eta Elgoibarko Udalak.
∞Lotura duten albisteak:
- Bi hitzaldi antolatu dituzte Hasier Etxeberriaren oroimenez, elgoibartarren euskaltzaletasuna sustatzeko asmoz (2019-03-21)
- BIDEOA: Biba Hasier! ekitaldia (2018-03-22)
- 'Biba Hasier!' ekimena egingo dute eguaztenean musika eskolan (2018-03-20)
- 'Begia zulotik' erakusketarekin hasiko da 'Biba Hasier!' ekimena (2018-03-16)
- Hasier Etxeberriari azken agurra egin diote (2017-03-31)
- Hasier Etxeberria kazetari eta idazle elgoibartarra hil da (2017-03-29)