Euskara

barren.eus-logoa

Tokikom

 

 
 

danobat elgoibar bikain ziurtagiriaElgoibarko Danobat kooperatibako ordezkariek atzo (abenduak 13) jaso zuten urrezko Bikain kalitate ziurtagiria, Euskalduna Jauregian (goiko argazkian). Hala, urrezko Bikain ziurtagiria lortu duen Debabarrenako estreinako industria enpresa da Danobat.

Danobat enpresak ibilbide luzea du Bikain ziurtagiriari dagokionean. Euskararen Kalitate Ziurtagiriaren sorreran, 2008an, zilarrezko Bikain ziurtagiria jaso bazuen ere, 2017an Eusko Jaurlaritzak bideratutako Euslan egitasmoaren baitan finkatutako erronka izan da urrezko ziurtagiria lortzea, eta bi eguneko ebaluazioaren ondoren emaitza urrezko ziurtagiria aitortu zaiola izan da. Era honetan, Danobat urrezko Bikain ziurtagiria lortu duen Debabarrenako lehenengo industria enpresa da.

Bikain Eusko Jaurlaritzak Euskalitekin lankidetzan ematen duen ziurtagiri ofiziala, publikoa eta doakoa da. Esparru sozioekonomikoan euskararen presentziaren, erabileraren eta kudeaketaren normalizazio-maila egiaztatu eta aitortzen du, hain zuzen ere. Ziurtagiriaren ia hamar urteko ibilbidean, 500etik gora izan dira ziurtagiri honen jabe egin diren erakunde publiko zein pribatuak, bai zerbitzu alorrekoak bai eta industriakoak ere.
DanobatGroup taldea osatzen duten gainerako kooperatibak ere badira zilarrezko ziurtagiriaren jabe, izan ere Elgoibarko IK4-Ideko Teknologia zentroak 2016an eskuratu baitzuen eta Soraluce eta Latz kooperatibek 2015ean, eta Goimek aurten.
Kooperatiba taldeak euskararen normalizazio prozesuan "ezinbesteko bidelagun" izan nahi du, eta arduradunen berbetan indarberrituta dago hizkuntzen kudeaketan lanean jarraitzeko, euskarari dagokion garrantzia eta lehentasuna emanda.

• Elgoibarren Bikain ziurtagiria duten entitateak

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza