Euskara

barren.eus-logoa

Tokikom

 

 
 

errotuloak euskaraz elgoibar denetikEguneroko lanean euskararen erabilera bultzatzeko urratsak eta ekintzak martxan jartzera animatu nahi ditu Elgoibarko enpresak Elgoibarko Udalak, eta horretarako, diru laguntzak emango ditu. Era berean, herriko establezimenduetako errotulu nagusia edota irudi korporatiboa euskaraz jartzeko diru-laguntzak ere emango ditu Udalak.

Gehienez ere, 2.000 euroko diru laguntza emango die Elgoibarko Udalak euskara sustatzeko ekintza edo egitasmoak martxan jartzen dituzten enpresei. Interesatuek urriaren 31a arteko epea izango dute laguntzak eskatzeko. Diru laguntza hauen oinarriak eta diru-laguntza eskabidea egiteko inprimakia Kultur Etxean (Euskara Sailean), Herritarrentzako Arreta Bulegoan edota www.elgoibar.eus webgunean eskura daitezke.
• Errotuloak euskaraz jartzeko diru-laguntzak
Establezimendua identifikatzeko errotulu nagusia euskara hutsean edota irudi korporatiboa euskaraz edo elebitan jartzen duenari diru-laguntzak eskainiko dizkio Elgoibarko Udalak, Euskara Sailaren bitartez. Horretarako, beharrezkoa izango da euskaraz ondo idatzita egotea eta hau Euskara Zerbitzuak ziurtatu beharko du.  Udalak kostuaren %40ko diru-laguntzak emango ditu, eta gehienezko kopurua 200 eurokoa izango da. Errotuluen kasuan, izena edo izen-abizenak soilik agertzen badira (izena, abizenak…), Udalak ez du diru-laguntzarik emango. Informazio gehiago 943 744 366 telefono zenbakian. Eskaerak aurkezteko epea urriaren 31n bukatzen da.

Turismo gehigarria

TURISMO GEHIGARRIA

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza