Elgoibarko Izarra Euskaltzaleon Topaguneak bazkide kanpaina hasi du. Bazkideak dira elkarteari tente eusten diotenak. Bazkiderik gabe ez dago elkarterik eta Elgoibarko Izarrak ere bazkideen babesa eta parte-hartzea behar ditu, Elgoibarren euskara eta euskal kultura indartzeko. Bi hilabetez, astero-astero, bazkide bat irtengo da BARRENen, galdera honi erantzuten: “Zergatik merezi du Elgoibarko Izarrako bazkide izateak?”.

Paula Heras izan zen bere arrazoia ematen lehenengoa, eta Aitor Nova gehitu zaio gaur. Novak ere argi dauka: "Merezi du Elgoibarko Izarrako bazkide izateak, Elgoibar euskalduna nahi dugulako, eta bide horretan funtsezkoa delako Elgoibarko Izarra. Zenbat eta jende gehiago bildu elkartearen bueltan, bidea politagoa izango delako; anitzagoa, eta denon artean helburua askoz lehenago lortuko dugulako"

Bazkide izateko hiru baldintza bete behar dira: elkartearen izaerarekin eta jardunarekin bat egitea, 18 urte beteta izatea eta bazkide-kuota ordaintzea. Hiru kuota mota daude: arrunta (45 euro), murriztua ikasle, langabetu eta jubilatuentzat (35 euro) eta kuota berezia.

Bazkide egiteko hiru modu daude: 943 741 626 telefono zenbakira deituta edota Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbidera idatzita edo Internetez, Elgoibarko Izarraren webgunean: http://www.elgoibarkoizarra.eus/elkartea/egin-zaitez-bazkide