Elgoibarko Izarrak eta Udal Gaztelekuak euskararen eguneko esaldi lehiaketa antolatu dute hirugarren urtez. DBH eta Batxilerreko ikasleentzako antolatu dute lehiaketa, eta euskarari lotuta egon behar zuen esaldiak, baina era berean, ezin zen euskara berba erabili. Arreiturre Institutuko ikasle Asier Garaialdek aurkeztutako esaldiak irabazi du aurtengo lehiaketa, Ez izan beldur, izan hiztun lelorekin. Esaldi horrekin kamiseta bat sortu dute antolatzaileek, eta 13-18 urte bitarteko nerabeen artean banatuko dute, doan.
Euskararen eguneko estraineko esaldi lehiaketa Uxue Mancisidorrek aurkeztutako “Nire ahotik zure belarrira” esaldiak irabazi zuen, eta iaz, Markel Garate mendaroarra izan da irabazlea, ‘Nik hasi zuk jarraittu’ leloarekin.
