Elgoibarko Euskarak 365 Egun taldeko kideek jakinarazi dutenez, erabaki eta zehaztu dute aurtengo Euskarak 365 ekimena. Abenduaren 2an, barixakua, izango da. Lehenik, 19:00etan, Kalegoen plaza eta Maalako parkea lotuko dituen giza katea osatuko dute. 19:30ean Plazera plazara jaialdia hasiko da Maalako parkean eta 21:00etatik aurrera pintxo-potea egingo dute herriko tabernetan. “Aurten ere kalera irtengo gara elgoibartarron euskaltasuna aldarrikatzera. Konpromisoa eta jaia uztartuko ditugu, eta herriko elkarte-erakunde guztiak animatu nahi ditugu ekimenean parte hartzera”, azaldu dute sustatzaileek.
•Izena emateko
Protagonistak, iaz bezala, Elgoibarko elkarte-erakundeak izango dira. Dagoeneko 48 elkartek eman dute izena giza katean parte hartzeko, eta 24 dira Plazera plazara jaialdian parte hartuko dutenak. Parte hartu nahi duten elkarte-erakundeek urriaren 14ra arte dute izena emateko epea.
- Elgoibarko 365 taldea osatzen dute: AEK euskaltegia, Elgoibarko Institutua, Elgoibarko Izarra, Elgoibarko Udala, Elgoibarko Haurreskola, Elgoibar Ikastola Herri Eskola, Ikastolako guraso-elkartea, Kalamua guraso-elkartea, Musika Eskola, Sortu, Taupada antzerki-taldea, eta Udal Euskaltegia.
∞Lotura duten albisteak
- Elgoibarko Euskarak 365 Egun taldea hasi da Euskararen Egunerako ekimena prestatzen (2016-05-18)
- Elgoibar dantzan jarri du 'Beitxu, Beitxu!' kantuaren lipdub-ak (2016-11-28)
- 'Beitxu, beitxu!' kantuaren leloaren koreografia aurkeztu dute (2015-10-23)
- ‘Beitxu, beitxu!’ rumba doinuko kantua aurkeztu dute eta euskararen “manifestu baikorra” egin (2015-10-09)
- Dagoeneko 49 elkarte-erakundek esan dute parte hartuko dutela aurtengo ‘Euskarak 365 Egun’ ekimenean (2015-05-28)
-
Lip-dub-a eta bazkari herrikoia prestatzen ari dira ‘Euskarak 365’ ekimenaren barruan (2015-05-14)
-
Euskaraz bizi nahi dut flash mob-ak jendez bete zuen Kalegoen plaza (2014-12-04)
- Euskararen aldeko oihuak hartu du Elgoibar (2014-12-03)