Euskara

barren.eus-logoa

Tokikom

 

 
 

beitxu beitxu elgoibar suaIaz Beitxu, Beitxu libdub-ak izan zuen arrakasta itzelaren ondoren, Elgoibarko Euskarak 365 Egun taldea hasi da aurtengo ekintza prestatzen. Abenduaren 2an Maalan batu nahi dituzte euskaraz bizi nahi dutela aldarrikatu nahi duten herritar guztiak. Maiatzaren 31rako eman behar da izena. 

Elgoibarko Euskarak 365 Egun taldeko kideek jakinarazi dutenez, aurten ere kalera irtengo dira elgoibartarron euskaltasuna aldarrikatzera. “Maalako parkean bilduko gara euskaraz bizi nahi dugula esateko”, aurreratu dute. Bi ezaugarri nagusi izango ditu aurtengorako prestatu duten ekimenak. Batetik, herriko elkarte eta erakundeak izango dira protagonistak, eta, bestetik, jai giroan aldarrikatuko dute euskalduntasuna. Abenduaren 2an, barixakua, izango da hori. 

Izena emateko azken eguna: maiatzak 31

Abendua urrun dagoen arren, dagoeneko hasi dituzte prestaketa lanak, eta parte hartu nahi duten elkarte eta erakundeek maiatzaren 31 baino lehen eman behar dute izena. Izena emateko, jarri harremanetan 365 ekimeneko talde eragilekoren batekin edo idatzi Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. e-postara.

•15 minutu euskalduntasuna azaltzeko

Antolatzaileen esanetan, elkarte-erakunde bakoitzak 15 minutuko tartea izango du bere euskaltasuna nahi duen moduan azaltzeko, Maalako eszenatoki gainetik. Antolakuntzak pertsona bat jarriko du elkarte-erakunde bakoitzak egin dezakeena pentsatzen eta prestatzen laguntzeko.

  • 365 talde osatzen dute: AEK euskaltegia, Elgoibarko Institutua, Elgoibarko Izarra, Elgoibarko Udala, Elgoibarko Haurreskola, Elgoibar Ikastola, Herri Eskola, Ikastolako guraso-elkartea, Kalamua guraso-elkartea, Musika Eskola, Sortu, Taupada antzerki-taldea, eta Udal Euskaltegia. Babeslea, berriz, Elgoibarko Udala da.

Turismo gehigarria

TURISMO GEHIGARRIA

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza