Topalabe taldeak azken hamarkadetako euskaltzaletasunaren irakurketa kritikoa egin eta etorkizunerako gako berriak asmatzeko helburuarekin sortu zuen Berrikasi eta Berrikusi gogoeta, 2015. urtean, eta euskalgintzan hausnarketa eragiteko elementua izan da, beste batzuen artean. Topalabea taldeak dokumentua osatu zuenean ondoko hitzekin eman zion sarrera gogoetari: “Dokumentu hau euskaltzaletasunaren azken hamarkaden irakurketa kritiko bat da, etorkizuna begi berriz ikusteko helburuarekin egina. Eztabaida zintzoa suspertu nahi luke egin dugunaz, eskarmentu horrekin hobeto ekin diezaiogun egiteko dugunari”.
- 2015eko maiatzean Topaberri aldizkarian argitaratutako gogoeta formatu digitalean ere eskuratu daiteke ondoko loturan: Berrikasi eta Berrikusi (PDF).
Udazkenean egindako aurkezpen saioak amaitu arren (orain arte zortzi aurkezpen egin dira 2015eko urria eta 2016ko otsailaren artean), tarteka Berrikasi eta berrikusi gogoetaren gaineko mintegi eta hitzaldiak antolatzen jarraitu du Topalabe taldeak, eta Elgoibar izango da hurrengo hitzordua, apirilaren 25ean. Hitzaldi-tailerra izango da. 45 minutuko azalpenaren ondoren, galdera-erantzunen txandari eta talde-dinamikari ekingo diote parte hartzaileek.
- Eguna: apirilak 25, astelehena
- Ordua: 19:00
- Lekua: Kultur Etxeko hitzaldi-gelan