Aurten, eskaintza LH4tik DBH3ra artekoei zabaldu diete, eta bi talde osatu dituzte. Irune Basagoiti bertsolariak (Mallabia, 2002) ematen ditu eskolak, astelehenetan, gaztelekuan, bi ordutegitan: 18:00etatik 19:00etara eta 19:00etatik 20:00etara. Saio hauen prezioa sinbolikoa da: 40 euroko kuota bakarra ikasturte osorako.
Ikasleak bertsozaletu nahi dituzte bertsoaren teknika eta komunikazio estrategiak garatuz, eta besteak beste honako hauek landuko dituzte: arrazoiketa eta bestearen lekuan egoten ikastea, ahozko komunikazioa, eta herriko, eskualdeko eta euskal herriko kultur erreferentziak.