Gipuzkoako Foru Aldundiak jakinarazi du N-634 errepidean zoladura konpontzeko lanak egingo dituztela Elgoibarren, eguenetik aurrera.
Deba kalean egingo dituzte lanak, Lerungo biribilgunearen (56,150 KP), eta Mahala biribilgunearen (57,000 KP) artean. Lanak direla-eta, zirkulazioa etenda egongo da puntualki, maiatzaren 4ko 22:00etatik maiatzaren 5eko 06:00etara bitartean. Obrak behar bezala seinalizatuak egongo direla aurreratu dute Aldunditik.
