Esbastikak margotu dituzte Mendaroko Garagartza elizako pareta, lur eta ateetan. Mendaroko Udala gaia ikertzen ari da, eta Ertzaintzari eman diote gertatutakoaren berri.

Garagartza eliza garbitzeaz arduratzen den laguna zapatu goizean konturatu zen Garagartzako elizako kanpoaldea esbastikaz josita zegoela. Denera bost esbastika margotu dituzte elizako arkupeetako pareta, zoruan eta sarrerako atean.  

Duela egun batzuk, urtarrilaren 7an, hain justu ere, Mendaron agertutakoen oso antzerako margoak agertu ziren Zumaiako Arritokietako ermitan, baleike.eus web gunean ikus daitekeen moduan.