Idi deman parte hartu behar zuten idiak pisatzera zihoazen unean egin du ihes idietako batek, 10:30ak inguruan. Zubia gurutzatu eta Trenbide kaletik eta kiroldegi aurretik pasa ostean, Sallobenteraino iritsi da idia. Ibarrenea inguruan lortu dute geratzea. Berriz probalekura itzuli dute aberea, baina urduri jarraitzen zuen oraindik eta berriz ere ihes egin du piisaketa egin eta kamioira sartu behar zuten unean, hain justu ere. Bigarren ihesaldian Olaizaga kiroldegi ingururaino iritsi da eta autopistako zubi azpian itxi diote bidea idiaren jabeek. Aske ibili den bitartean ez du kalterik sortu, baina hori bai, zur eta lur laga ditu aberearekin gurutzatu diren herritarrak. (*argazkiak: twitter)
