Gipuzkoako Foru Aldundiko Mugikortasuneko eta Bide Azpiegituretako Departamentuak jakitera eman duenez, erabat itxita egongo da Elgoibar eta Maltzaga arteko bidegorria, martxoaren 7tik 9ra, 00:00etatik 24:00etara, mantentze lanak direla eta.
Hain zuzen ere, harri-lubeta eta zapata egiteko lanak egingo dituzte, 13+900 kilometro-puntuan. Foru Aldundiak azaldu duenez, lan horiek egiteko behar den makineria eta bidegorriaren zabalera kontuan hartuta, bidegorria erabat moztuko da, eta ezin izango da ibilgailuekin pasatu lanak egiten diren bitartean. Lan-ordutegia martxoaren 7tik (astelehena), 07:00etatik, martxoaren 9ra (asteazkena) 18:00etara izango da.