Egoibarrek 675 urte bete dituen eguna txistu eta dultzaina doinuekin abiatu da, Elgoibarko Udal Txistulari Bandak deta herriko dultzaineroek dianak jo baitituzte 8:00etan eta 9:00etan, hurrenez hurren. Eguerdian, herritarrei urteurrena gogora ekartzeko, kanpai jotzea egin dute bai San Bartolome elizan eta baita herriko ermitetan ere. Kanpai hotsak ixildu direnean hasi dira txalaparta doinuak herriko kaleetan, Kalegoen plazan, Aita Agirre plazan eta Maalan aritu baitira txalapartariak.
Gaurko antolatutako ekitaldiek arratsaldean izango dute segida. 'Yulen 100 urte' marrazki liburua aurkeztuko dute, 19:00etan, Aita Agirreko areto nagusian.
Elgoibarko Udalak urte osorako egitaraua prestatu zuen 675. urteurrena ospatzeko, eta gaur amaituko dira horiek. Elgoibarren sorreraren laburpena jaso zuen BARREN aldizkariak 1226. zenbakian -PDF-, Javier Elortza historialariaren ‘Villamayor de Markina, Elgoibar deitua’ liburuko informazioa baliatuta.
