Elgoibarko Udalak jakinarazi duenez, Mugikortasun iraunkorreko astearen helburua da erdiguneko kaleetan auto pribatuak gutxitzea. Iaz bezala, aste osoan itxita egongo dira uneoro San Frantzisko, San Bartolome, Errosario eta Santa Ana kaleak motordun, anbulantziak eta garajeetako ibilgailuentzat izan ezik. Era berean, asteburu honetan Maalako zubitik Ermuaranbideko errotondarainoko bidea itxi egingo da motordun ibilgailuentzat, zapatuko 15:00etatik domeka gauerdira arte.
Mugikortasun iraunkorrarekin zerikusia duten hainbat ekintza antolatu ditu Elgoibarko Udalak aste honetarako. Joan den zapatuan, esaterako, bigarren eskuko produktuen merkatua egin zuten Lekueder parkean. Herriko ikastetxeetako ikasleek liburuak, jostailuak, apaingarriak eta beste hainbat gauza jarri zituzten salgai. Parrokiako misio taldeak, berriz, bidezko merkataritzako produktuak saldu zituen. Salerosketaz aparte, birziklatzeari buruzko ikastaroa eskaini zuten Lekuederren. Material birziklagarria erabiliz, Eguberrietarako apaingarriak egiten irakatsi zieten gaztetxoei.
•Bide segurtasuna ikastetxeetan
Elgoibarko Udaltzaingoak bide segurtasunari buruzko azalpenak emango dizkiete bost urteko herriko umeei, euren ikastetxeetan.
∞Lotura duten albisteak:
- Elgoibarko Udala saritu du Espainiako Ingurumen Ministerioak, mugikortasun iraunkorra sustatzeagatik (2014-09-22)
- Bigarren eskuko bizikleten azokarekin amaitu zen III. mugikortasun iraunkorraren astea(2013-10-23)
- Ikasleak udaltzain egun batez (2013-10-15)
- Bizikleten bigarren eskuko merkatua egingo dute Mugikortasun Iraunkorraren Astean(2013-09-25)
- Bizikleta elektrikoak herriko ikastetxeei lagako dizkie Elgoibarko Udalak (2013-03-15)
- Patineteak aparkatzeko konponbidea (2012-10-18)
- Lanera eta eskolara bizikletaz (2012-10-17)
- Bizikletaren erabilera sustatuko dute mugikortasun iraunkorraren astean (2012-10-11)
- Ibilgailu elektrikoak ardatz dituen Emugi proiektua martxan da (2011-10-19)
- Hiri mugikortasuneko laborategi izango da Elgoibar (2011-02-22)
- ‘Elgoibar Berdea’: ohitura berriak eta iraunkorragoak bultzatzeko hamar ekintza (2010-04-27)