Bero sargoriarekin hasiko da astea barnealdean zein kostaldean, eta tenperatura altu iraunkorregatik abisu horia ezarri du Eusko Jaurlaritzako Segurtasun Sailak, gaurko eta biharko. Hona abisuen inguruko xehetasunak:
- Gaur (irailak 6): Abisu Horia tenperatura altu iraunkorragatik kostaldean eta Kantauri barnealdean 00etatik 24etara ordu lokala. Tenperatura minimo/maximoak kostaldean 20/31 ºC ingurukoak eta Kantauri barnealdean 19/36 ºC ingurukoak izan daitezke. Abisuak honako eremuetan izango du eragina: Bizkaiko kosta, Bizkaiko barnealdea, Gipuzkoako kosta eta Gipuzkoako barnealdea.
- Bihar (irailak 7): Abisu Horia tenperatura altu iraunkorragatik kostaldean eta Kantauri barnealdean 00etatik 24etara ordu lokala. Tenperatura minimo/maximoak kostaldean 21/33 ºC ingurukoak eta Kantauri barnealdean 20/35 ºC ingurukoak izan daitezke. Goizaldean, zenbait tokitan, baliteke tenperatura 25 ºC-tik ez jaistea. Tenperatura minimoak egunaren amaieran neurtuko dira. Abisuak honako eremuetan izango du eragina: Bizkaiko kosta, Bizkaiko barnealdea, Gipuzkoako kosta eta Gipuzkoako barnealdea.
Gaur zein bihar hego-ekialdeko haizea izango da nagusi, batez ere bihar, indarra hartuko baitu.