"KZgunean beste urrats bat eman nahi dugu, etxetik prestatzen jarraitu ahal izateko. Horregatik, maiatzean, astean bi hitzaldi planifikatu ditugu gai teknologikoei buruz", azaldu dute Elgoibarko KZ Guneko arduradunek.
Internetez zuzenean emango dituzten hitzaldiak jarraitu ahal izateko Interneteko konexioa besterik ez da behar, Youtubeko KZguneaTIC kanalaren bidez emango baitituzte prestatu dituzten hitzaldiak. Halaber, hitzaldi horiek goizez eta arratsaldez izango dira, interesatuek ordutegi batera edo bestera egokitzeko aukera izan dezaten.
Hona hemen hitzaldien zerrenda eta egutegi zein ordutegiak:
- Maiatzak 5, 11:00-13:00 / Gaztelaniaz: Murgildu zaitez errealitate birtual eta areagotuan
- Maiatzak 7, 18:00-20:00 / Gaztelaniaz: Erosi etxetik irten gabe
- Maiatzak 12, 18:00-20:00 / Gaztelaniaz: Heziketa eta segurtasuna Interneten
- Maiatzak 14, 11:00-13:00 / Gaztelaniaz: Zure ordenagailua birus eta bestelako mehatxuetatik babestu
- Maiatzak 19, 11:00-13:00 / Euskaraz: Ezagutu 3D inprimatzeak dituen aukerak
- Maiatzak 21, 18:00-20:00 / Gaztelaniaz: Gauzen Interneta
- Maiatzak 26, 18:00-20:00 / Gaztelaniaz: Android sekreturik gabe
- Maiatzak 28, 11:00-13:00 / Gaztelaniaz: Zure Smartphonea prest izan
Era berean jakinarazi dute KZguneak martxan duela oraindik zalantza teknologikoak argitzeko urritiko laguntza zerbitzua. Zalantzarik izanez gero, honako bide hauek erabil daitezke KZgunekoekin harremanetan jartzeko: 943 023 640 / tutor.elgoibar@kzgunea.net