Motza baina bizia izan da ekaitza. Frontearekin zetorren haize hotzagoak azken egunotako hego haizearekin topo egin duenean sortu da ekaitza. Pare bat tximista indartsu laga ditu Elgoibarren eta haize bolada indartsuek zuhaitz bat bota dute San Roke kalean, institutuaren azpian. Zabor edukiontzien gainera erori da zuhaitza, baina, zorionez ez du inor azpian harrapatu. San Roke kalean bertan, metro batzuetara dagoen beste zuhaitz batetik adar handi samarrak erori dira, igogailuaren ondoan dagoen pinutik, hain zuzen ere. Olasope ingruan, 634 errepide ondoan zegoen edukiontzi bat ere irauli du haizearen indarrak.
