Maalako Gaztetxeari buruzko argazki erakusketa egin zuten joan zen zapatuan Maalako parkean, eta arduradunek jakinarazi dutenez, erakusketako material guztia ostu diete. 

1986tik 1991ra bitartean Maalako parkean egon zen gaztetxeari buruzko argazki erakusketa egin zuten joan den zapatuan Maalako parkean. Gaztetxe mugimenduaren bueltan ibili ziren zenbait herritarrek antolatu zuten erakusketa, gaztetxea eraitsi zutenetik 24 urte bete direla-eta. 

11:00etatik 14:00etara bitartean egon ziren argazkiak ikusgai. Arduradunek jakinarazi dutenez, 14:30ak arte egon ziren erakusketa zaintzen, eta bazkaltzera joan ziren gero. Bazkalostean bertaratu zirenean argazki guztiak falta ziren. Salaketa jarri dute Udaltzaingoan.