1986tik 1991ra bitartean Maalako parkean egon zen gaztetxeari buruzko argazki erakusketa antolatu dute zapaturako (maiatzak 9), Maalako parkeko estalpean.
Eraitsi zutenetik 24 urte bete direla-eta, Gaztetxe mugimenduaren bueltan ibili ziren zenbait herritarrek Maalako Gaztetxeari buruzko argazki erakusketa antolatu dute. Maalako parkean jarriko dituzte ikusgai argazkiak, datorren zapatuan, 11:00etatik 14:00etara bitartean. Jakinarazi dutenez, Gaztetxe hartan egiten zituzten ekintzak ikus daitezke argazkietan, baina argazki gehienak Gaztetxea lagatzera behartu zituztenekoak direla nabarmendu dute.
Lehenengoa itxi ostean, bigarren Gaztetxe bat ere egon zen Maalako parkean, Alcorta lantegia zegoen eraikinean hain justu ere, -gaur egun txinatarren denda dagoen lekuan-.
